Partisipashon di CBS na tres konferenshia internashonal i regional.

Willemstad – Ofisina Sentral di Statistik (CBS) ta informá ku resientemente algun empleadonan di CBS a tuma parti na tres konferensia internashonal den e kuadro di fortalesé lazo ku organisashon regional i internashonal pa kolaborashon den futuro.. Pero tambe pa keda aktualisá ku desaroyonan nobo, teknologia i tendensianan den mundo di statistika

E tres konferensianan aki tabata:

  1. Twenty third Meeting of Statistical the Executive Committee of the Statistical Conference of the amerias of the Economic Commission for Latin America and the Caribbean. E 32 reuníon di e Komité Ehekutivo di e Konferensia Estadístiko di Amerika di ECLAC a enfoká riba dos área importante. Na prome luga, a ser diskutí e desafionan regional ku mester wordo atende den e plan strategiko nobo pa e período 2026-2035. Esaki ta fundamental pa promové kapasidat estadístiko i kolaborashon den e región pa ta mas prepará pa desafionan ekonomiko, sosial i ambiental pa den futuro. Na di dos luga, Komité Ehekutivo a evaluá progreso den e implementashon di programa bienal di aktividatnan di kolaborashon regional i internashonal pa 2024-2025.
     
  2. CARICOM Population and Housing Census Symposium and the Fourth High Level Advocacy Forum (HLF) on Statistics. E simposium aki tabatin komo tema: Strengthening Statistics through the Regional Strategy for the Development of Statistics for a Resilient Caribbean Community.  Durante di e simposio aki CBS Kòrsou a hasi presentashon tokante kon CBS Kòrsou a ehekuta senso 2023 kompletamente digital. Tambe mester a duna progreso di diferente proyekto ku ta andando aktual. For di e reunion aki a bini tambe na dilanti ku mester sigui hasi statistik na un manera kreativo i sigui promové e importansia di statistik.

  3. Na Medellin, Colombia a asistí na e UN World Data Forum (UNWDF). Akí, tópiko importante manera desishon basá riba dato, AI, i desaroyo inklusivo tabata e punto di atenshon. E foro a duna un plataforma pa kolaborá ku koleganan internashonal i a presentá solushonnan inovativo pa reto sosial. 

E partisipashon na e tres konferenshianan aki no tabata solamente inspirante, pero tambe nan a resultá den kontaktonan balioso i konosementu útil ku lo yuda fortalece e rol di dato i sostenibilidat den CBS.