De ontwikkeling van de consumentenprijzen op Curaçao voor de maand van juni 2019

Desaroyo di preis luna di yüni 2019 kompará ku e luna mei 2019

E sifra índise di preis pa konsumidó (CPI, “Consumer Price Index”) di Kòrsou a subi ku 0,8 porshento na yüni kompará ku luna di mei 2019, desaroyando di 131.7 na mei 2019 pa 132.8 na yüni 2019.

Desaroyo di preis yüni 2019 kompará ku yüni 2018

E CPI di yüni 2019 (132.8) ta 3.3 porshento mas haltu ku e CPI di yüni  2018 (128.5). E sifranan aki ta indiká ku gastunan di kosto di bida na yüni 2019 ta 3.3 porshento mas ku mes luna (mei) na 2018. E kategorianan ku a kontribuí ku e subida aki ta kuminda i bibienda.

Desaroyo di preis riba término largu: inflashon yüni 2019

Inflashon ta reflehá pèrdida di balor di sèn, pues di forsa di kompra, dor di subida di preis di produkto i servisio pa e konsumidó riba término largu (usualmente 12 luna). E sifra di inflashon pues ta duna un indikashon di e subida promedio di kosto di bida, i p’esei ta wòrdu rekomendá komo instrumento pa indeksashon di salario, penshun, ònderstant/ benefisio sosial, suèldu mínimo i otro entrada.

Inflashon den un sierto luna ta wòrdu kalkulá dor di komparashon di e CPI promedio di 12 luna den e luna konserní ku e CPI promedio di 12 luna den mes luna e aña anterior. Si kompará e periodo di e último 12 luna te ku yüni 2019 ku mes periodo un aña anterior, ta resultá ku preisnan na averahe a subi ku 2,8 porshento: e  CPI promedio di 12 luna a desaroyá di 126.7 na yüni 2018 pa 130.3 na yüni 2019. Inflashon na Kòrsou na yüni 2019 pues ta 2,8 porshento.