CBS ta start ku Enkuesta di Koyuntura pa aña 2022

Ofisina Sentral di Statistik (CBS) ta kuminsá e luna aki  ku un enkuesta di koyuntura na Kòrsou bou di algun empresa selektá.

Meta di e enkuesta aki ta pa riba un base frekuente duna informashon riba desaroyo ekonómiko i empresarial.

E enkuesta aki ta un sondeo bou di kompanianan ku dies òf mas trahadó, miéntras serka e kompanianan ku ménos ku 10 trahadó lo hasi un muestra (steekproef). Total lo enkuesta mas o ménos 800 kompania.

E pregunta nan lo ta tokante volúmen di kompra i benta, kostonan di eksplotashon, invershonnan, i e situashon di personal pa aña 2022

Banda di esaki tin tambe pregunta tokante opinion di e kompanianan pa ku konfiansa di e kompania den futuro i e klima di invershon.

Tipo di informashon asina aki por pone gobièrnu i kompanianan tuma desishon mas mihó i fundá.

Kooperashon di e kompanianan lo pone e enkuesta aki bira eksitoso. CBS ke gradesí di antemano tur kompania ku ser aserka pa nan tempu i esfuerso.

Un resultado importante for di Enkuesta di Koyuntura ta e índise di koyuntura.

E índise di koyuntura ku ta agregá a base di konfiansa den futuro, persepshon i klima di invershon i kambionan di volúmen di benta, a bira na desèmber 2021 72