CBS ta presentá resultado di investigashon tokante desaroyo di dunamentu di pèrmit di konstrukshon den e periodo di 2010-2021.

Willemstad -  Ofisina Sentral di Statistik (CBS) ta presentá riba su wèpsait resultado di un investigashon tokante desaroyo di dunamentu di pèrmit di konstrukshon den e periodo di 2010 pa 2021. E análisis ku a ser hasi ta enfoká riba pèrmit di konstrukshon relashoná ku e total di superfisie di bibienda i apartamento den e periodo ariba menshoná.

E konklushon prinsipal di e investigashon ta ku, pa bibienda, e kantidat di pèrmit di konstrukshon duná a baha ku ku un averahe di 1.4%, mientras ku pa apartamento mas bien e sifra akí a subi ku un averahe di 13.6% den e periodo di 2010 pa 2021.

Den e investigashon akí, a pone tambe un relshon ku e resultadonan di e investigashon ku CBS mes a hasi anterior e asina yama investigashon na e desaroyo di transakshon di bibienda (esta, ku benta i preis di bibienda). E investigashon aki ku a ser realisá na 2021, tambe a enfoká riba e periodo di 2010-2021. Ora kombiná e resultadonan di e investigashon aktual ku esunnan di e investigashon di transakshon di bibienda, ta keda konfirmá ku den e último añanan tabatin un oumento supstansial pa loke ta trata invershon den bibienda den un sektor fuertemente ligá na alohamentu vakashonal i konstrukshon di (di dos) bibienda den un di e segmentonan mas karu di merkado.

Por download e publikashon titulá ”De ontwikkeling van de bouwvergunningverlening aan nieuwbouwwoningen 2010-2021” for di e paginá inisial di e wèpsait di CBS, https://www.cbs.cw/housing