CBS ta presentá algun indikador demografiko aktualisá riba su website

Willemstad - Ofisina Sentral di Statistik (CBS) ta presentá sifranan preliminar di algun indikador demografiko aktualisá pa promé di yanüari 2023 riba su website. E datonan aki ta abase di registro di Kranshi. Pues ta inserá personan legal registra na Kòrsou. Esaki ta pasobra no tin un bon registrashon di personan no-dokumentá. E base di e sifranan aki ta Senso 2011 den e Senso aki inkluí indokumentadonan i despues ta sigui usa sifranan di migrashon i nasementu pa yega na sifranan di poblashon pa aña. Durante di Senso na sèptèmber próksimo lo konta e poblashon kompleto atrobe.

  • Poblashon a baha ku 1.4 % na aña 2022 kompará ku e aña 2021. E poblashon total di Kòrsou ta konsistí na promé di  yanüari 2023 di 148.925 persona (2021 e tabata 151.066 ). E motibu di e bahada aki ku Nos net migrashon  (imigrashon - emigrashon) tabata negativo. Kiermen e kantidat di persona ku a imigrá ta ménos ku e personanan ku a emigrá, bai for di Kòrsou. Tambe a sosodé ku mas hende a fayese ku tin beibi ku a nase. Esaki ta krea un kresementu natural negativo. E dos aspektonan aki ta loke a soru pa e sifra di poblashon a baha. Dor ku tur dos ta negativo, nos poblashon a baha.
  • E poblashon na 2021 tabata konsistí for di 82410 hende muhe (54.6% di e poblashon) i 68656 hende hòmber (45.4%). Si wak e proposhon na sekso esaki ta pa ana 2021 83.3 pa 100 hende muhe
  • E grupo di edat entre 0-14 aña a baha ku 0.3%, grupo di edat 15-59 a baha tambe ku 0.7%. Mientras tantu e grupo di edat 60+ a subi ku 1.1% entre 2022 ku 2021. Esaki ta duna un bon bista ku e proseso di embehesamentu ta sigui.
  • Na aña 2022 a nase 1232 yu (625 yu hòmber i 606 yu muhé). Esaki ta 77 yu ménos ku na 2021 (1.309).
  •  Na 2022 tabata tin 1574 persona ku a fayesé (800 hende hòmber i 775 hende muhé) esaki ta 112 persona ménosku na 2021 (1.687).
  • Na 2022 tabatin 3930 persona ku a imigrá bin biba na Kòrsou. Esaki ta 593 mas tantu persona ku na aña 2021 (3.337)
  • Na 2022, 5728 persona a emigrá bai biba na otro paisnan. Mas hende (593 persona) a bai biba afo ku na aña 2021.

Pa un update di e.o. tabelnan klek aki https://www.cbs.cw/population